замава | св.

Почне да мава, да удира. Тој замавал со стапот по грбот на магарето.

прекар | м.

Име што се добива покрај крстеното име според некоја особина, потеклото, занаетот итн. на личноста на која се однесува. Во нашето маало сите имаат прекари. Кој е твојот прекар?

зажали | св.

Почне да жали, да чувствува жал за нешто; жали_1 Зажали што не отиде и тој со нив. Зажали што не е школувана.

прегач | м.

Парче облека што при работа се става врз другата облека заради заштита од нечистотија. Го врза прегачот и се фати за работа.

гадлив | прид.

Што чувствува одвратност кон нешто, обично храна. Детето беше гадливо.

распне | св.

Оптегне, растегне (платно, шатор и сл.) од сите страни; постави на определен локалитет, на определена позиција. Рибарите ги распнаа мрежите. Тој го распна шаторот на една полјана.

кандил | м.

предан | прид.

Што е приврзан кон некого или кон нешто изразувајќи љубов, верност или поддршка; верен. Предан другар. Предан татко.

прелат | м.

Висок црковен достоинственик во католичката, во евангелистичката и во протестантската црква.

превар | м.

Во составот: на превар ‒ скратен пат за да се стигне некаде побрзо. Тргнал на превар и стигнал пред нив.