залока | св.

Почне да лока. Кучето залока вода од браздата.

заломоти | св.

Почне да ломоти, да вреви, да брбори. Наеднаш сите во куќата заломотија. Тој заломоти нешто.

залости | св.

Затвори врата со помош на лост, на резе и сл. Заборави да ја залости вратата.

залп | м.

Едновремен истрел од поголем број огнено оружје; плотун. Од партизанските заседи грмна залп.

залуд | прил.

залуден | прид.

Што е без полза, без резулатат; бескорисен, безуспешен. Залуден напор. Залудна работа. Залудна надеж.

залудено | прил.

Во голем, луд занес, претерано занесено. Ме гледаше залудено.

залуди | св.

Направи некого да биде како луд, претерано занесен по некого или по нешто. Таа го залуди со своето однесување. Добивката на лотарија го залуди од среќа.

залудо | прил.

Залудо трошиш пари.

залудува | св.

Почне да лудува. Детето залудува по мене.