запрета 2 | св.
За кокошка и др. – почне да прета, да распретува со нозете. Кокошките запретаа во ѓубрето, барајќи нешто да колвнат.
запретан | прид.
Што е покриен, посипен со нешто; Запретан оган. Запретана жар.
запречи | св.
Постави преграда, препречи пат, отвор и сл. Еден војник ја запречи влезната врата. Одроните од камења го запречија патот.
запречка се | св.
Почне да се пречка; пречка се. Децата се запречкаа.
запржи | св.
Почне да пржи. Откога си запржил, уште ли не е готово?
заприбира | св.
Почне да прибира. Таа ги заприбира расфрланите хартии по подот.
заприкаже | св.
Почне да прикажува. Ќе заприкаже и се некој ќе го прекине.
заприлега | св.
Почне да прилега, да личи на некого или на нешто; заличи. Лицето му заприлега на светец. Тој заприлега на дете што моли за прошка. Маглата им заприлега на воздушеста планина.
заприпка | св.
Почне да припка; Детето заприпка по патот.
запристига | св.
Почне да пристига. Запристигаа гости од сите страни. Запристигаа писма отсекаде.
