бабулест | прид.
Што има облик на бабуле. Бабулест нос. Бабулесто лице.
бабун 1 | м.
Учесник во Богомилското движење; Нема на светов досега подруги вистини за вас и за нас освен оние во соништата на бабуните, богомилите, робјето...
бабун 2 | м.
(зоол.) Вид мајмун, павијан.
Бабуна | ж.
Планина и река во Македонија.
бабунов | прид.
Што се однесува на бабун1, што му припаѓа на бабун1. Во тој крај се најдува и по некој бабунов гроб.
бабуњосан | прид.
Надуен, отечен. Бабуњосан нос. Бабуњосан во лицето.
бабуњоса (се) | св.
Добие оток, се подуе, отече. Не го виде знакот и толку силно се удри, што (се) бабуњоса во лицето.
бабура | ж.
Вид широка дебела пиперка; Capsicum.
бабушка | ж.
бабура.
Баварија | ж.
Покраина во Германија.
