злат | прид.
Злат прстен фрлен в кал. Месецот горе огреа злат.
златар | м.
Лице што изработува накит и други предмети од злато и сребро.
златарница | ж.
Работилница или фабрика за накит и други производи од злато, сребро и сл.
златарство | ср.
Стопанска гранка, занает за производи од злато, сребро и сл. и трговија со нив.
златее се | несв.
Се покажува, се сјае со боја на злато. Се златееше сонцето на залез. Полето се златееше надалеку. Небото како во оган пламна и почна да се златее.
златен | прид.
Што е изработен од злато, што е позлатен или што е извезен со злато. Златно синџирче. Златен медал. Златни гривни. Златен појас.
златест | прид.
Што има боја на злато, што е како злато. Жената имаше златеста коса. Целата бавча беше покриена со дебел златест килим од попаднатите лисја.
златец | м.
Народен назив за месецот јули.
злати | несв.
Позлатува, дава сјај, боја на злато. Имињата славни почит да ги злати. Засмеано сонце пак поле ќе злати.
златица | ж.
Штетен инсект тврдокрилец што се храни со лисјето на компирите; компирова златица; Leptinotarsa decemlineata.
