бам-бум | изв.

За подражавање силен звук со низок тон што се повторува (обично од камбана, од пушка, од тапан и др.). И бам‒бум! бам‒бум! ‒ тапани тропаа.

бамбус | м.

Вид тропска трска висока од 25 до 30 метри што се користи за мебел, за спортска опрема и сл.; Bambusa arundinacea. Бамбусите се брануваа на слабиот ветрец.

бамбусов | прид.

Што е од бамбус. Носи бастун од бамбусова трска. Бамбусова трска. Бамбусово масиче.

бамја | ж.

Вид зеленчук со месеста мешунка, полна со зрна; Hibiscus esculentus. Бамјата е зеленчукова култура што се одгледува кај нас пренесена од Средниот Исток.

бамка | несв.

Тропа, удира. Цел ден бамка.

бамкалец | м.

Дрдорко, мрморко.

бамња | ж.

бан | м.

Самостоен или вазален владетел на држава.

банален | прид.

Обичен, излитен, секојдневен, општ. Мојата работа е обична, банална. Оваа игра е монотона и банална. Банални примери. Случајна и банална споредба. Работата е сосема банална.

банализација | ж.

Банализирање. Се спротивставува на тенденцијата за банализација.