Кингстаун | м.
Главен град на Свети Винсент и Гренадини.
Кингстон | м.
Главен град на Јамајка.
кине | несв.
а) Со нагли движења прави нешто да биде во парчиња; разделува, раскинува. Таа ги кине писмата и ги пали едно по едно. Трњето му ги кинеа панталоните и кошулата. б) Прекинува на едно место или на повеќе места нешто што е поврзано, цело. Селаните кршеа огради низ лозјата, кинеа тељови, уриваа ѕидови.
кинезитерапија | ж.
Лекување на определени болести со помош на телесни вежби.
кинемаскоп | м.
Вид кинематографска техника за прикажување филмови на голем екран.
кинематика | ж.
Дел од теориската механика, што го проучува движењето без оглед на причините кои го предизвикуваат тоа движење.
кинематограф | м.
Апарат за филмско снимање и за прикажување филмски снимки на екран.
кинематографија | ж.
Снимање на предмети во движење, настани и сл. и нивно прикажување на филмско платно.
кинетика | ж.
Дел од теориската механика што го проучува движењето на телата и силите што го предизвикуваат тоа движење.
кинин | м.
Прашок добиен од кората на кининово дрво што се употребува како лек против маларија и некои други болести. Се лекувала со секакви таблети и со кинин.
