бајат | прид.
Што е застојан, стар, што не е свеж (обично за храна). Бајат леб. Бајато пиво. Бајати чоколади. Бајата новост.
бајати | несв.
Расипува. Топлото го бајати млекото.
бајач | м.
Гаталец, вражач, вражалец, тој што бае, гата. Познавам многу бајачки, а знам и еден бајач.
бајка | ж.
Кус расказ исполнет со фантастични случки и со натприродни суштества, приказна, сказна. Раскажува бајка. Класична бајка. Руска бајка.
Бајкал | м.
Езеро во азискиот дел на Русија.
Бајкалско Езеро | ср.
бајонет | м.
Студено оружје, нож со кој се сече и се боде, а може да се стави на цевката од пушката. Прободени и исечени со бајонет. Пушка со бајонет.
бајпас | м.
Пат што овозможува проток на сообраќај во случај кога регуларниот е оневозможен.
бајрак | м.
Знаме. Развиорен бајрак. Црковни бајраци и литии.
бајрактар | м.
Тој што го носи знамето, бајракот, знаменосец (во војска и на свадба). Прв бајрактар да бидам. Бајрактар за на свадба. Бајрактарот оди пред сите.
