кислоса | св.
Добие кисел вкус (со додавање на киселина, конзервирање и сл.).
кисне 1 | несв.
Станува кисел; преврива, ферментира. Млекото кисне на топло.
кисне 2 | несв.
Натопува нешто во течност подолго време. Ги киснеше крпите во водата и му ги ставаше на челото. Алиштата киснеа во млака вода.
кит 1 | м.
Општ назив за најголемите морски цицачи, со мазна кожа и тело на риба; назив за одделни (обично најголеми) видови од тој род.
кит 2 | м.
Мека, леплива смеса што брзо се стврднува и служи за исполнување на нерамнини и пукнатини на површината пред нејзино бојадисување.
кит 3 | м.
кит | изв.
За одбивање, одвојување на јагнињата од овците.
китаб | м.
Книга што содржи верски учења и прописи кај муслиманите.
китара | ж.
Вид жичен музички инструмент.
китатов | прид.
За дрва – што има густи гранки и многу лисја, разгрането дрво. Китатово дрво.
