безвкусен | прид.
Што е без пријатен вкус, блуткав, невкусен. Безвкусна храна.
безвластен | прид.
Што е без организирана државна власт; анархичен. Безвласна држава.
безвластие | ср.
Состојба без државна власт, беззаконие; анархија. Луѓето се плашат од безвластие, се плашат за својот имот.
безводен | прид.
Што е без вода, сиромашен со вода. Безводен бунар. Безводна пустина. Безводна почва. Безводно земјиште. Безводните пусти чукари го криеја непријателот.
безвоздушен | прид.
Што е без воздух, што не е исполнет со воздух. Безвоздушен простор.
безволен | прид.
Што е без волја, нерешителен, рамнодушен. Безволен, неамбициозен, млад човек. Безволен болник. Тој ги осудуваше безволните луѓе.
безволие | ср.
Отсуство на волја, рамнодушност, апатија. Се пожали на безволие и чудна премаленост. Тој беше занесен со безволието што ги зафаќа луѓето кога ќе се исплашат.
безволник | м.
Тој што е без волја. Безволникот талка попусто, сам, со вџашен лик.
безволно | прил.
Без волја, рамнодушно, апатично. Одговори безволно. Пијаниот чекореше безволно и тромо кон домот.
безвреден | прид.
Што е без вредност; без значење, бескорисен, неупотреблив. Безвредни стари пари. Безвредна акција. Безвредно оружје.
