костенов | прид.
Што припаѓа на костен, што е од костен. Костенови дрвја. Костенови лушпи.
костенџија | м.
костец | м.
Борба, борење. Главните борачи се фатија во костец.
костим | м.
Дводелна женска облека, составена од кусо палто и здолниште или панталони од иста ткаенина. Свилен костим. Секојдневен костим.
костимира | св. и несв.
Облече, облекува некого во артистички костим. Ги костимираа децата во покладни маски.
костимиран | прид.
Што е облечен во артистички костим или во маска.
костимограф | м.
Сликар, креатор на костими за театар, филм и сл. Костимографот ја збогати атмосферата на кабарето.
костимографија | ж.
Уметност на креирање и на правење на костими за театар, филм и сл.
костобол | м.
Болест на коските и на зглобовите предизвикана од лош метаболизам и таложење мочна киселина во ткивото. Сонцето беше лек за нејзиниот костобол.
кострец | м.
Вид речна риба тврдоперка; Acerina cernna. Лови кострец со јадица.
