костреш | м.
костреши се | несв.
За животни, птици – подига тело, влакна, пердуви. Перјата му се кострешеа.
кострушина | ж.
Кожа од некои животни со остри влакна.
костум | м.
Дводелна машка облека, составена од кусо палто и панталони од иста ткаенина. Свадбен костум. Волнен костум.
костур | м.
Сите коски заедно, коскената конструкција на човечко или на животинско тело; скелет.
Костур | м.
Град во Егејска Македонија, Грција.
костурест | прид.
Што е како костур. Костуресто тело.
костурница | ж.
Место или зграда каде што се чуваат коските на многу луѓе загинати во војна, при геноцид и сл. Положија цвеќе на костурницата на паднатите борци.
кот | изв.
За примамување, за вабење домашни птици. Кот, кот пилиња!
кот | м.
Тоа што се окотува од животните; животински пород. Кучешки кот.
