крзнарство | ср.

Стопанска дејност што се занимава со обработка и трговија со крзна.

крзнен | прид.

Што се однесува на крзно. Крзнени производи.

крзно | ср.

Кожа на некои животни покриена, обрастена со влакна. Тие се крадци на скапоцени крзна.

крив | прид.

Свиткан, извиен, што не е прав; што има искривен облик. Криви патишта. Крива река. Криво рало. Крив нож. Криви рогови.

крива | ж.

(мат.) Извиена линија што не прави агол.

Крива Паланка | ж.

Град во Македонија.

кривачка | ж.

Многу искривено дрво. Исечи ја кривачкава.

кривда | ж.

Неправедна постапка, неправда; Кривдата го уништи.

кривец | м.

Виновник. Тој не е кривецот за тепачката.