Мариово | ср.
Област во Македонија.
марионета | ж.
Вид кукла што се движи со помош на конци или жици со која се изведуваат театарски, обично детски, претстави.
марифет | м.
Вештина, снаодливост, лукавство; шега. Со марифет успеа да ја избегне казната. Цела вечер изведуваше марифети и ги смееше.
марифетчија | м.
Лице што прави марифети. Голем марифетчија е!
марихуана | ж.
Суви листови од индиски коноп (Cannabis) што служат како наркотик.
марица | ж.
Полициска кола. Уапсените ги однесоа со марица.
Марица | ж.
Река во Бугарија и Турција.
марка 1 | ж.
Мало парче хартија на кое има знак, цена и сл., кое се лепи на писма, документи и др. и со кое се наплаќа определена услуга. Поштенска марка. Таксена марка.
марка 2 | ж.
Парична единица во некои земји.
маркантен | прид.
Впечатлив, забележлив, истакнат. Маркантен човек. Маркантни црти на лицето.
