беспатен | прид.

Што е без пат, непрооден. Беспатен прнар. Беспатна земја. Беспатна пустина.

беспатица | ж.

Беспаќе. Згустена беспатица. Талкач по беспатици.

беспатје | ср.

беспаќе | ср.

Предел, место без пат. Снежно беспаќе. Планински беспаќа. Беспаќа, проколнати места на кои ни дивината не остава трага.

бесперспективен | прид.

Што е без перспектива. Бесперспективен живот. Бесперспективна иднина.

беспигментен | прид.

Што е без пигменти. Беспигментна кожа.

бесплатен | прид.

Што не се плаќа, што се користи без плаќање. Бесплатен билет. Бесплатна настава. Бесплатно возење.

бесплоден | прид.

Што е без плод, неплоден, јалов. Бесплодно растение. Бесплодна земја. Бесплодна жена.

бесплотен | прид.

Бестелесен. Бесплотна сила. Бесплотна сенка.

бесповратен | прид.

Што е без враќање, неповратен, неповторлив. Бесповратен лет. Бесповратно заминување. Човечкиот род е осуден на бесповратна гибел.