бизнис | м.
Работа, деловност, ангажираност во некоја дејност што донесува економска корист.
бизнисмен | м.
Лице што се занимава со бизнис, деловен човек, трговец. Бизнисмен од странство. Богат бизнисмен.
бизон | м.
Преживар од родот на диви говеда, особено развиен и обрастен во предниот дел на телото, со куси нозе. Црн бизон. Бизон бафало.
бик | м.
Нескопено говедо што најчесто служи за приплод. Млад бик. Разјарен бик. Два полудиви бика.
бикарбонат | м.
Сол на јаглеродната киселина. Сода бикарбонат. Натриумов бикарбонат.
бикини | и.
Дводелен женски костим за капење со минимални димензии. Атрактивна девојка во бикини.
биланс | м.
(екон.) Состојба на приходите и расходите за определен период. Годишен биланс. Позитивен биланс. Трговски биланс. Платен биланс.
билансен | прид.
Што се однесува на биланс. Билансен ефект. Билансно салдо.
билансира | св. и несв.
Направи, прави биланс. Сметководството ги билансира приходите и расходите.
билатерала | ж.
Заемна обврска, двостраност.
