блескот | м.
Блесок, сјај. Силен блескот. Блескот од молња. Блескот од езерото. Блескотот на чистата река. Блескот од нож. Блескотот на хеленизмот.
блескотен | прид.
Што е со блескот, што блескоти. Блескотен водопад. Блескотни ѕвезди.
блескоти | несв.
Блеска, сјае. Сонцето блескоти по снегот. Силно блескоти површината на езерото. Блескотат кристалите.
блесне | св.
Наеднаш испушти силна светлина; силно светне. Блесна молња. Блесна сјај.Сонцето ќе блесне меѓу облаците. Блесна светлина од фарови. Градските светилки блеснаа.
блесок | м.
Силен, заслепувачки сјај, силен отсјај. Блесок на месечева светлина. Блесок на громови. Утрински блесок. Две сини очи истураа влажен блесок. Чудесен блесок во очите.
блести | несв.
Светла блестат. Езерото блестеше на сонцето.Очите блестеа. Блештат молњи. Блешти круната. Блешти витрината.Блешти убавината.
блеф | м.
Измама преку преувеличување или лажно претставување на вистинската состојба. Политички блеф. Блеф од реклама. Тој не е за блеф. Многу блефови.
блефира | несв.
Прави блеф, измамува, залажува. Играчот на покер блефираше во играта. Не блефирај, ти синоќа најмалку пиеше. Тој блефира на секој чекор.
блех-музика | ж.
Музика што се изведува на лимени дувачки инструменти. Дочек со блех-музика, народни песни и ора. Се одгласуваа фолкорни звуци, блех-музика.
блејзер | м.
Лесно машко или женско спортско палто; сако.
