обесштети | св.

Даде отштета за нанесена загуба, штета. Државата ќе ги обесштети лицата чии имоти беа поплавени.

обете | бр.

За именки од женски и од среден род – и едната и другата, и едното и другото; двете. Обете раце. Обете страни. Обете ќерки. Обете села. Обете деца.

обетка | ж.

Накит што се носи на ушите. Златни обетки. Долги обетки.

обжали | св.

Поднесе жалба за донесено решение, пресуда со барање за повторно разгледување. Го обжали решението за отказ од работа.

обзема | несв.

обземе | св.

Опфати нешто, некоја целина. Огнот ја обзеде куќата од сите страни.

обземен | прид.

Што е опфатен, совладан, понесен од нешто. Обземен од бес. Обземен од восхит.

обзима | несв.

обзори | св.

(само во 3 л. едн.) Настапи зора, зазори. Заминавме пред да обзори.

обзрне се | св.