овозможи | св.

Направи да стане возможно, создаде услови, можности за да се изврши нешто. Тој ми овозможи услови за работа. Тие ми овозможија да студирам.

овој | зам.

Показна заменка со која говорителот го определува лицето или предметот што е во негова непосредна просторна или временска близина. Овој човек. Овој стол. Оваа книга. Ова дете. Овој град. Овој пат. Овој ден. Оваа недела. Ова лето.

овоплоти | св.

овошен | прид.

Што се однесува на овошје, што е од овошје. Овошна градина. Овошен сок. Овошна салата.

овошје | ср.

Плодови од овошни растенија што служат за исхрана. Сушено овошје. Јужно овошје. Овде успеваат различни видови овошја.

овошка | ж.

Дрво што раѓа овошни плодови. Расцветана овошка. Диви овошки. Млади овошки.

овошник | м.

овоштар | м.

Лице што одгледува овошни растенија и ги продава нивните плодови. Индивидуални овоштари.

овоштарник | м.

Место што е насадено со овошни дрвја. Се шеташе низ овоштарникот.

овоштарски | прид.

Што се однесува на овоштар и на овоштарство. Овоштарски ножици. Овоштарски крај.