одјури | св.

Избега, истрча. Уште не докажа, децата одјурија надвор. Одјури со стариот автомобил и зад себе остави облак од чад и прав.

одлабави | св.

Направи нешто да е лабаво. Се прејаде, па мораше да го одлабави ременот.

одлага | несв.

Помести временски за подоцна. Го одлагаше испитот неколкупати. Тие го одлагаа соочувањето со своите противници.

одлази | св.

Замине со лазење. Детенцето одлази до креветчето.

одлачи | св.

Оддели, издели. Ги одлачи новите од старите весници.

одлебди | св.

Замине со лебдење. Правот што се крена одлебди со тивкиот ветер.

одлева | несв.

одлево | прил.

На левата страна; До него одлево застана пристара жена. Тие живееја на вториот кат, првата врата одлево. Одлево од патот имаше ред багреми.

одлее | св.

Со леење отстрани дел од течност што се наоѓа во некаков сад; оттури. Одлеа малку од бокалот за да не го истури по пат.

одлежи | св.

Лежи определено време болен. Одлежа една седмица од грипот. Таа зима таа ја одлежа во болница.