одмили | св.

одмине | св.

Помине покрај некого или нешто без задржување; замине 3. Автобусот не застана, ги одмина. Одмини ја првата улица и заврти во втората одлево. За среќа најлошото нè одмина.

одмогне | св.

Направи пречка, направи штета; оневозможи извршување на некоја работа; Тој сакаше да помогне, но одмогна. Иако застана во моја одбрана, тоа само ми одмогна.

одмоли | св.

Со молење издејствува нешто; измоли. Детето го одмоли соседот да му ја врати топката.

одмор | м.

Прекинување на работата заради починка; пауза. Време е за одмор. Училишното ѕвонче го означи големиот одмор.

одморалиште | ср.

Зграда, објект што се користи за престој за време на одмор. Детско одморалиште. Студентско одморалиште.

одмора (се) | несв.

Починува; поминува време во одмор; (се). По ручекот тој задолжително (се) одмора. Старецот (се) одмораше под стариот орев. Се одморав гледајќи во бескрајното зеленило.

одморен | прид.

Што се одморил, што е способен за работа. Следното утро стана одморен и свеж. Иако спиеше кратко, се разбуди одморен.

одмори | св.

Остави, даде некому да се почине. Одмори ги работниците малку. Направи пауза за да ги одмори очите од читањето.

одмориште | м.

Поширок простор меѓу скали што служи за одмор. Тој тргна по скалите, но се задиша, па подзастана на одмориштето.