брее | несв.
За елен ‒ рика. Во гората брееше елен самјак.
брез | прид.
Со бела пега на главата, обично за животно. Брезото јаре тргна по детето.
бреза 1 | ж.
Листопадно дрво со бела кора и ситни ливчиња; Betula alba. Околу дворецот имаше липи и бреза.
бреза 2 | ж.
Бела дамка на челото кај некои животни. Кобилата имаше бреза на челото.
брезов | прид.
Што се однесува на бреза, што е од бреза. Брезова шума.
брекина | ж.
Листопадно дрво од родот оскоруша; Sorbus torminalis.
брекне | св.
Набабри, набрекне, се подуе. Жилите му брекнаа.
бреме | ср.
Тежок товар што го носи еден човек. Девојките дрварки слегуваат од планина со бремиња дрва.
бремен | прид.
Жена што е трудна, што носи плод. Сосетката беше бремена, очекуваше пород. Мода за бремени жени.
бременост | ж.
Состојба кога жената носи плод, од зачнувањето до породувањето. Жената беше во првите месеци на бременоста.
