пустошник | м.
Тој што пустоши, што прави пустош.
пусула | ж.
Писмо, книвче, потврда, белешка. Му даде една пусула. Доби пусула за престојување во градот.
путер | м.
Млечен производ, маснотија добиен со биење на млекото. Сендвичи со путер. Си намачка путер на лебот.
путир | м.
Златна или сребрена чаша за вино кое им се дава при православниот обред на причестување. Сребрен путир.
путка | ж.
Женски полов орган.
пуф | изв.
Звук што се слуша при издишување на нешто надуено, балон и сл.
пуфка | несв.
За човек ‒ а) Испушта звук низ уста со кратки паузи. Туку оди и пуфка. б) Испушта дим од цигара при пушење. Пуфка со лулето пред дуќанот.
пуфла | ж.
Нечиста, неуредна, одвратна жена или девојка; смрдла.
пуч | м.
Обид од група заговорници да извршат државен преврат со насилно преземање на власта; државен удар
пучист | м.
Лице што врши или учествува во пуч.
