рагбист | м.
Играч на рагби.
раглан | м.
Вид капут со косо скроени ракави што започнуваат од јаката и одат косо до под пазувите.
рагу | м.
Јадење од повеќе вида ситно сечкано месо со зеленчук приготвено во сос.
рад | прид.
Волен, спремен. Али си рада девојче вечер да дојдам.
радар | м.
Апарат којшто со помош на електромагнетни ултракратки бранови и времето на нивното одбивање од некој објект ја утврдува оддалеченоста и положбата на тој објект.
ради | предл.
Го правеше тоа ради себе, а не ради дружината.
радијален | прид.
Што е во вид на зраци; насочен по радиус.
радијатор | м.
Направа за загревање на простории, составена од поврзани, вертикални метални ребра низ кои протекува топла вода или пареа. Радијаторот е млак, греењето е слабо.
радијација | ж.
(физ.) Енергија што материјалните честички или електромагнетните бранови насочено ја пренесуваат низ просторот; зрачи, зрачење. Сончева радијација.
Радика | ж.
Река во Македонија.
