радиоактивен | прид.
Што се однесува на радиоактивност; што пројавува радиоактивност. Радиоактивни материи. Радиоактивни зраци.
радиоактивност | ж.
Својство на некои хемиски елементи при распаѓањето да испуштаат невидливи честички и зраци со силна енергија.
радиоаматер | м.
Тој што се занимава со радиотехника од хоби.
радиоапарат | м.
Апарат за примање радиобранови; радио, радиоприемник.
радиоастрономија | ж.
Гранка од астрономијата којашто се занимава со изучување на радиобрановото зрачење на космичките тела и со одразувањето на радиобрановите од предметите во меѓупланетарниот простор и во високата атмосфера.
радиобиологија | ж.
Гранка од биологијата којашто го проучува влијанието на радијацијата врз живите организми.
радиобран | м.
Електромагнетни бранови со определена должина коишто служат за безжично пренесување на сигнали.
радиовесник | м.
Весник, преглед на вести што се предаваат преку радио.
радиоврска | ж.
Телеграфска или телефонска врска помеѓу две оддалечени места преку радиостаници; апаратура за примање и засилување на радиосигнал.
радиограма | ж.
Вест пренесена преку радиотелеграф.
