радиографија | ж.
Фотографирање со рендгенски и гама-зраци.
радиодифузија | ж.
Систематска распределба на работата и на мрежата на радиостаниците на определена територија.
радиодрама | ж.
Драма прилагодена за изведба преку радио. Тие ја слушаа попладневната радиодрама. Детска радиодрама.
радиоемисија | ж.
Пренесување на програма преку радио; програма емитувана на тој начин. Училишни радиоемисии.
радиокасетофон | м.
Радиоапарат со уред за репродуцирање на аудио касети.
радиокоментар | м.
Новинарски текст за определен актуелен настан што се предава преку радио.
радиокоментатор | м.
Тој што коментира јавни настани и случувања преку радио.
радиолог | м.
Специјалист по радиологија.
радиологија | ж.
Наука за дејството на радиумот и на рендгенските зраци и нивната примена во медицината.
радиолокатор | м.
Апарат за откривање на различни објекти со помош на радиолокација.
