ракетодром | м.
Место уредено за полетување, за лансирање, за сместување и за одржување ракети и други слични летала на реактивен погон. Ракетодром за вселенски летови.
ракетоносач | м.
Брод и сл. што е носач на ракети.
ракетоплан | м.
Ракета што сообраќа како авион; шатл.
ракида | ж.
ракиен | прид.
Што е за сместување, за чување ракија, за пиење ракија. Ракиено шише. Ракиена бочва. Ракиени чаши. Ракиени казани.
ракија | ж.
Алкохолен пијалак што се добива со дестилација на комиње од грозје, овошје, компир или од житни растенија, кога гликозата од овошјето и сл. се претвора во етанол што се раствора со дестилирана вода. Гроздова ракија. Комова ракија. Сливова ракија. Греана ракија. Тој пие само домашна ракија.
ракијада | ж.
Манифестација, настан, натпревар во правење подобра и поквалиетна ракија. Ракијада во Валандово.
ракијар | м.
Производител на ракија или трговец со ракија. Најпознатите ракијари се од Кавадаречко.
раки-сапун | м.
Име за тоалетен сапун во минатото носен од Исток.
ракита | ж.
Вид ниска врба со црвеникава кора; Salix purpurea. Крај реката нависнале ракити.
