раковиден | прид.

Што има форма на рак1, што е сличен на рак; Раковидни знаци. Раковидна градба. Раковидни животни. Раковидни фигури.

раковина | ж.

Цврстиот, тврд, коскест заштитен покрив кај некои животни (рак, полжав и сл.). Раковината се крши за да се дојде до месестиот дел.

раководен | прид.

Што раководи со нешто, во некоја област, што се однесува на раководење. Раководен тим. Раководно место. Раководен кадар. Раководна улога. Раководни лица. Раководни функции.

раководец | м.

раководечки | прид.

раководи | несв.

Организира, планира, управува нешто, одлучува и стои на чело на нешто како раководител. Тој ја раководи секцијата. Професорот го раководеше нашиот тим. Тој ја раководеше фирмата. Тој раководи со војската.

раководител | м.

Лице што раководи, управува нешто, управувач на определена работа. Тој беше раководител и учител. Раководител на проектите. Класен раководител. Стручен раководител. Раководител на смена.

раководителски | прид.

Што припаѓа, што се однесува на раководител. Раководителски средби. Раководителски состанок.

раководство | ср.

(само едн.) Насока, упатство, прирачник, поставени правила според кои треба да се постапува. Раководство за работа. Наставникот им остави раководство за часот.

ракоделен | прид.

Рачно изработен. Ракоделни предмети.