расподели | св.

Подели повеќе или уште повеќе; подели_1_2

распознава (се) | несв.

распознае | св.

Различи, познае некого или нешто сред множество лица или предмети. Тој го распозна нејзиниот глас. По толку години и во темнина лесно ја распознав.

распознатлив | прид.

Препознатлив, што може да се распознае лесно. Распознатлив стил. Распознатливи лица. Распознатливи делови.

распојаса | св.

Отстрани појас од нечија половина. Жената го распојаси мажот и му даде чиста облека за да се преслече.

распојде се | св.

распокине | св.

Испокине, искине во голема мера или многу нешта. Тој ги распокина листовите. Ги распокинав чевлите барајќи ја неа.

располага | несв.

Владее со нешто; држи нешто во своја власт и користи по своја волја; има над нешто неограничена власт и моќ. Власта располага со сите ресурси. Тие располагаат со богатството.

расползи се | св.

За дете или за животно ‒ почне да ползи, да лази повеќе; се. Во седмиот месец детето се расползи. Во ливадата се расползиле змии.

располови | св.

Преполови, расече на два дела, на две половини. Месарите ја располовија свињата. Таа го располови јаболкото и му даде на момчето.