расположба | ж.

Положба, поставеност, местоположба. Населбата има убава расположба.

расположен | прид.

Што е во добро расположение, развеселен, задоволен и сл. Расположени гости. Расположено население.

расположение | ср.

Душевна состојба; настроение. Добро расположение. Расположение за работа. Борбено расположение. Нејзините расположенија се менуваа.

расположи | св.

Предизвика кај некого добро настроение, расположение. Таа многу ги расположи присутните. Убавите песни ги расположија гостите.

расположлив | прид.

Што е на располагање, што може да се користи. Расположливи капацитети. Расположливи ресурси. Расположливи средства.

располу | прил.

распон | м.

Растојание меѓу две крајни точки. Распон на крилата на авионот. Временски распон.

распоп | м.

Свештено лице лишено од чин или што се откажало од свештениот чин. Еден распоп ми зборуваше. На едно место се сретнаа попови и распопи.

распопи | св.

Лиши некого од свештенички чин; По овој настан црквата го распопила. Тие му се заканиле дека ќе го распопат.

распоред | м.

Распределба, меѓусебен однос на единици, делови од составот на некое множество. Распоред на воени единици. Распоред на играчи на теренот. Распоред по групи. Нов распоред во собата. Распоред на планетите.