распушти | св.
Пушти на одмор, дозволи да се разотидат, ослободи од некаква дејност. Министерството ги распушти училиштата. Генералот ја распушти војската. Тие ги распуштија работниците од погонот.
распцуе | св.
Натера некого да почне да пцуе многу. Тој ги распцу децата.
расрди | св.
Налути, разлути некого. Тој многу ги расрди селаните. Таа ги расрди присутните.
рассали се | св.
За сало ‒ се стопи, се растопи. Салото се рассали од врелиот оган.
раст 1 | м.
Бој, става. Таа го позна момчето по растот. По растот личи на мене. Девојка со среден раст. Џиновски раст. Мал раст.
раст 2 | м.
растажен | прид.
Тажен, натажен, обземен од тага. Растажени родители. Растажено дете.
растажи | св.
Натажи некого, предизвика тага кај некого. Таа ги растажи присутните. Тој ги растажи сите.
растајни | св.
Одгатне, растолкува, разјасни, открие нешто тајно. Тој ги растајни нејзините зборови. Јас му растајнив сè.
расталка се | св.
Почне да талка, да шета, мине многу време во талкање. Тие се расталкаа по продавници. Таа се расталка по светот.
