ре- | претс.
Претставка, префикс кај зборови од интернационалната лексика со значење: повторно, одново, обратно, назад (ревакцинација, реконструкција, реорганизација, реакција итн.).
реа | ж.
Остар, силен мирис. Околу неа се ширеше реа од скап парфем. Од облеката доаѓаше реа од средството за омекнување.
реав | прид.
Разресен, тенок, што се изѕира. Реави пердиња. Реава ткаенина. Реаво здолниште.
реагенс | м.
Активна супстанција, меѓупроизвод или готов производ во вид на средство што се користи во хемиски анализи за да се добијат или да се потврдат основните карактеристики на друга супстанција, материја и сл. Овој реагенс се употребува во процесот на прозводство во козметичката индустрија. Реагенси во форма на прав и во форма на течност.
реагира | св. и несв.
Возврати, возвраќа; одговори, одговара на некој начин на примени податоци, дразби и сл. Гледачите реагираа со бурна смеа. Овие цвеќиња реагираат на студено време. Лицето реагираше на допир.
реактив | м.
Супстанција, материја со сложен состав што предизвикува определена реакција; Оваа материја е моќен реактив.
реактивација | ж.
Повторно активирање, повторно враќање во активна положба (дејност, работа, функција и сл.). Реактивација на погонот за производство. Реактивација на дејноста.
реактивен | прид.
(хем.) Што се однесува на реактив, што служи како реактив во хемиските анализи. Реактивна материја. Реактивни својства.
реактивизира | св. и несв.
Повторно активизира;
реактивира | св. и несв.
Направи, прави да стане повторно активно, врати повторно во активна положба нешто што било пасивно;
