реактор | м.
(техн.) Дел од нуклеарни централи, постројка или уред што управува и ја покренува постапката за производство на енергија. Нуклеарен реактор. Атомски реактор. Дефектот на реакторот е многу голем.
реактуализација | ж.
Стане повторно актуелно, оживување, реобновување, повторна актуализација. Реактуализациите на некои филмски наслови имаа добар одек. Реактуализација на постапката за легализирање на објектот.
реактуализира | св. и несв.
Направи, прави да биде повторно актуелно, повторно актуализира;
реакција 1 | ж.
Одглас, воздејство, повратно дејство што се јавува како последица или како одговор од некое претходно дејство; акција предизвикана од друга акција и се јавува како нејзин рефлекс или како нејзин одговор. Таа ја очекуваше реакцијата на домашните. Брза реакција. Остра реакција. Секоја негова акција има и нејзина реакција.
реакција 2 | ж.
Идеолошка определба што ја дава партијата на власт за општестен слој или група што покажува отпор кон постојните владејачки сили, порано толкувана во негативна, а во денешни услови во позитивна конотација. Тие ќе се пресметаат со реакцијата. Оние од реакцијата постојано нешто бараат. Антикомунистичка реакција.
реакционен 1 | прид.
Што се однесува на реакција1, реакциски.
реакционен 2 | прид.
Што се однесува на реакција2, реакционерен. Реакциона група. Реакционен комитет.
реакционер | м.
Лице што е приврзаник или е во состав на реакцијата, реакција 2. Реакционерите го сопираа и го саботираа процесот на развој на партијата. Тој никогаш не бил реакционер.
реакционерен | прид.
Што се однесува на реакционер и кој дејствува во согласност со реакцијата. Реакционерен план. Реакционерни сили. Реакционерни ставови. Реакционерна програма.
реакционерство | ср.
Особина или појава на реакционер; Неговото реакционерство се докажа преку гласањето.
