стадион | м.

Уредено место за спортски натпревари (обично за фудбал) со трибини за гледачите. Фудбалски стадион. Градски стадион.

стадиум | м.

Степен во развојот на некој процес; фаза, период, етапа. Почетен стадиум. Преоден стадиум. Краен стадиум.

стадо | ср.

Поголем број истородни животни што пасат заедно; крдар, булук. Стадо овци. Стадо кози. Биволско стадо. Шарени стада.

стаж | м.

Определено време поминато во исполнување на работни задачи и уредено со посебни правни прописи за вработени лица, работно искуство, минат труд. Десет години стаж. Признат стаж. Боречки стаж.

стажант | м.

Лице што е на стаж, приправник.

стажира | несв.

Поминува некаде на стаж, работи како стажант. Тој стажира во амбуланта.

стажист | м.

стаи | св.

стаи се | св.

За течност ‒ не се движи, се сталожи, се спушти талог на дното. Се стаи виното во бурето.

стаја | ж.

Коњушница.