дваж | прил.
Двапати, двојно. Двојно да тажиш и дваж да се мачиш.
двамина | бр.
дванаесет | бр.
Број за два поголем од десет; се бележи со бројката 12.
дванаесет- | претс.
Како прв дел од сложени придавки и именки кој покажува дека од тоа што го означува основата во другиот дел од сложенката има дванаесет: дванаесетгодишен, дванаесетгодишник, дванаесетгодишнина.
дванаесетерец | м.
Стих од дванаесет слога со цезура по шестиот слог.
дванаесетмина | бр.
Дванаесет луѓе, дванаесет лица. Загинаа дванаесетмина.
дванаесетти | бр.
Бројна придавка од дванаесет.
двапати | прил.
Еднаш и уште еднаш, двојно. Вишните двапати цутат. Се врати двапати.
два-три | бр.
Приближно два, две или три.
два-триесет | бр.
Приближно, од дваесет до триесет. Поканивме два-триесет луѓе.
