девесница | ж.
Стара мома, немажена. Може сама да овене дома како стара мома девесница.
девет | бр.
Основен број поголем со една единица од осум, кој се бележи со бројката 9.
девет- | претс.
Прв дел од сложени придавки и именки кој покажува дека од тоа што го означува основата во другиот дел од сложенката има девет: деветгодишен, деветмесечен, деветпроцентен.
деветини | и.
Во изразот: бабини деветини – празни приказни, измислици, бесмислици. Стар си, а бабини деветини расправаш.
деветка | ж.
Бројката 9.
деветмина | бр.
Девет луѓе. Деветмина мајстори.
деветнаесет | бр.
Основен број за девет единици поголем од десет; се бележи со бројката 19.
деветнаесетмина | бр.
Деветнаесет луѓе. Деветнаесетмина војници.
деветнаесетти | бр.
Бројна придавка од деветнаесет.
деветорен | прид.
Што е изобилен, многу голем. Деветорен приход. Деветорен род.
