деец | м.
Истакнат јавен, општествен работник. Општествен деец. Културни дејци. Револуционерни дејци.
дежура | несв.
По распоред, надвор од редовното работно време, надгледува, бдее над некого или над нешто во определен временски период. Останав надвор да дежурам.
дежурен | прид.
Што е определен да дежура. Дежурен лекар. Дежурен службеник. Дежурна аптека.
дежурство | ср.
Работна обврска, должност на тој што дежура. Тој беше на ноќно дежурство. Треба да го укинам дежурството. Се воведоа постојани дежурства.
дезавуира | св. и несв.
Одрече, одрекува, оспори, оспорува, не признае, не признава нешто, нечие тврдење, искажување.
дезен | м.
Украсна шара на текстил. Носеше фустан со цветен дезен.
дезенира | св. и несв.
Изработи, изработува во некој дезен.
дезертер | м.
Тој што избегал од војска, што самоволно го напуштил служењето на воената обврска. Беше стрелан како воен дезертер. На четните списоци се водеа како дезертери.
дезертерство | ср.
Бегство од војска. Тој беше обвинет за дезертерство.
дезертира | св. и несв.
Побегне, бега од војска, своеволно напушти, напушта служење на воена обврска, воена позиција, фронт и сл. Тие мислеа дека дезертирам и пукаа по мене. Некои дезертираа кога ќе дојдеа во контакт со непријателот.
