дезинсекција | ж.

Механичко, физичко или хемиско уништување на штетни инсекти.

дезинтеграција | ж.

Разделување, разединување, распаѓање на определена целина на делови. Тоа води кон дезинтеграција на човековото телесно постоење.

дезинтегрира | св. и несв.

Изврши, врши дезинтеграција.

дезинтересира се | св. и несв.

Изгуби, губи интерес, престане да се грижи за некого или за нешто. Тие не би требало да се дезинтересираат за одделни прашања.

дезинфекционен | прид.

дезинфекција | ж.

Уништување на заразни бактерии, чистење на заразени места, предмети и сл. по хемиски пат. Дезинфекцијата на водата се врши заради чистење од инфективен материјал.

дезинфицира | св. и несв.

Изврши, извршува дезинфекција. Лекарот ја дезинфицира раната со алкохол.

дезинформација | ж.

Лажно, погрешно, неточно (најчесто злонамерно) известување, пренесување информации. Во текстот се провлекла и една дезинформација. Тоа се невистини и дезинформации од одделни поединци.

дезинформира | св. и несв.

Даде, дава неточна информација, лажно или погрешно извести, известува за нешто. Тие беа заведени и дезинформирани.

дезорганизација | ж.

Лоша организираност, нарушување на организацијата, на редот; безредие, хаос. Смената на директорот предизвика дезорганизација во фирмата.