дезорганизира | св. и несв.
Предизвика, предизвикува дезорганизација, внесе, внесува неред, хаос во нешто. Нашата цел е да го дезорганизираме непријателот.
дезориентација | ж.
Отсуство на способност за ориентација, за снаоѓање во просторот; губење на ориентацијата.
дезориентира | св. и несв.
Предизвика, предизвикува дезориентација; внесе, внесува забуна, збрка кај некого, во нешто. Нашата акција го дезориентира противникот.
деизам | м.
Религиозно-филозофско сфаќање според кое Бог е безличен творец на светот, но нема никакво влијание врз неговиот натамошен тек. Тој е припадник на деизмот.
дека | сврз.
Во исказни зависносложени реченици; оти. Тој рече дека ќе дојде. Таа мисли дека научила. Тие сфаќаат дека работата не оди.
декабрист | м.
Учесник во востанието од 1825 година на група благородници против самодржавјето во царска Русија.
декаграм | м.
Мера што означува тежина од десет грама.
декада | ж.
Временски период од десет дена или години.
декаден | прид.
Што се однесува на декада. Декаден систем. Декаден просек.
декадент | м.
Приврзаник на декаденцијата; Нас нѐ сметаа за книжевни декаденти, неспособни за акција.
