декодсира | св. и несв.
Преведе, преведува кодирана порака во друг, разбирлив код (јазик);
деколте | ср.
Длабок изрез околу вратот на женски фустан, блуза и сл. Беше облечена во син фустан со големо деколте.
деколтира | св. и несв.
Направи, прави деколте.
деколтиран | прид.
Што има длабоко деколте. Деколтиран фустан. Деколтирана облека.
декомпозиција | ж.
Раздвојување, расчленување на една целина на повеќе делови; распаѓање.
декомпонира | св. и несв.
Раздели, разделува, расчлени, расчленува, изврши, врши декомпозиција.
деконтаминација | ж.
Отстранување или неутрализирање на отровни материи од земјата, предметите и сл. Треба да се преземат мерки за деконтаминација на почвата.
деконцентрација | ж.
Пренесување на правото за одлучување за некои работи од централната власт на пониските локални органи. Административната деконцентрација постои само на хартија.
деконцентрира | св. и несв.
Спроведе, спроведува деконцентрација.
декор | м.
Тоа со што е украсена театарската сцена. Просторот на сцената ги има најнеопходните елементи на декор.
