Демир Хисар | м.
Град и област во Македонија.
демисионира | св. и несв.
Поднесе, поднесува оставка на служба или на звање.
демисија | ж.
Оставка од служба, откажување од понатамошно вршење на некоја служба. Поднесе молба за демисија.
демне | несв.
Чека и посматра од заседа. Чувствува како некој ја демне. Демневме со ноќи. Опасности го демнат на секој чекор. Волкот му го демнеше стадото.
демобилизација | ж.
Премин на вооружените сили од воена во мирновременска состојба. Политичка демобилизација.
демобилизира | св. и несв.
Стави, става вооружени сили од воена во мирновременска состојба.
демограф | м.
Тој што професионално се занимава со демографија, специјалист по демографија.
демографија | ж.
Гранка од статистиката, наука што се занимава со проучување на населението, со неговата структура, како и со законитостите на неговото растење и опаѓање (со наталитетот и со морталитетот).
демоде | прид.
Старомоден, што не е модерен; Тоа палто е веќе демоде, не треба да го носиш.
демодира се | св. и несв.
Излезе, излегува од мода, стане, станува немодерно, застарено.
