дерач | м.
Тој што дере кожа на животни, на добиток. Дерач на пцовисан добиток.
дерби | ср.
Главен решавачки натпревар. Ќе се игра дерби во Скопје.
дервен | м.
Клисура, планински теснец.
дервенџија | м.
Чувар на дервен, на клисура.
дервиш | м.
Монах, калуѓер кај муслиманите. Бестрашен дервиш. Рамазански дервиши.
дере | несв.
Симнува кожа од животно. Дереше вол. Дере јаре.
дереџе | ср.
Положба, состојба (обично неподнослива, тешка). Видете до кое дереџе дошол.
дериват | м.
Тоа што е изведено, што произлегува од нешто, производ од нешто.
дерле | ср.
Пејор. за дете, детиште, што многу се дере, што плаче.
дерман | м.
Спас, средство за одбрана, лек, мир. Има ли дерман за него? Немам дерман од тебе. Ми дојде дерманот.
