децимален | прид.

Што се однесува на децимал. Децимален број. Децимална запирка. Децимално место.

дециметар | м.

дечар | м.

Тој што многу сака деца и умее да се однесува со нив.

дечиња | и.

дечка се | несв.

Се кара, се расправа. Тие се дечкаа цело попладне.

дечко | м.

Момче, потпораснато машко дете. Си станал цел дечко.

Дешат | м.

Планина во Македонија.

дешифрант | м.

Толкувач на шифри, на знаци и на помалку познати ракописи, тој што се занимава со дешифрирање.

дешифрира | св. и несв.

Одгатне, одгатнува, прочита, чита шифра или текст. Дешифрира порака. Дешифрира хиероглифи од стар пергамент. Некои од турските дефтери тешко се дешифрираат.

дејгиди! | изв.

За обраќање кон некого или кон нешто со нагласена емоционалност. Дејгиди, Игно, душо измачена! Море, дејгиди вујко, дејгиди родителу. Дејгиди, луди млади години.