диета | ж.
Посебен режим на исхрана, сообразен со состојбата на организмот, што се состои во умереност или откажување од определени продукти (обично од масти) во исхраната. Строга диета. Диета за болниот препорачана од лекар.
диетален | прид.
Што е наменет за диета. Диетална храна. Диетален пијалак.
диететика | ж.
Наука за правилната исхрана на организмот.
диететичар | м.
Тој што се занимава со диететика.
диецеза | ж.
Кај православните, област под управа на владика, епископ – епископија; кај католиците, област под управа на бискуп – бискупија; кај протестантите, област под управа на парох – парохија.
Дижон | м.
Град во Франција.
дизајн | м.
Цртеж наменет за изработување на некакви производи, опрема на книги и други предмети. Индустриски дизајн. Моден дизајн. Се занимава со дизајн.
дизајнер | м.
Уметник што се занимава со дизајн, специјалист за естетско обликување на индустриски и други производи.
дизајнира | св. и несв.
Оформи, оформува некој производ според барањата и правилата на дизајнот. Дизајнира штоф за мебел. Дизајнира предмети за домаќинство.
дизгин | м.
Еден од двата краја на уздата, каишот, ременот што се држи кога се управува впрегнат коњ. Со дизгини в раце. Ги затегна дизгините. Ги тргаше дизгините.
