дискретен | прид.
Што умее да чува тајна, доверлив, сигурен. Дискретен возач.
дискреција | ж.
Чување доверени тајни, доверливост, сигурност. Во голема дискреција.
дискриминатор | м.
Тој што врши дискриминација.
дискриминација | ж.
Ограничување, оспорување на правата на определена општествена група поради својата расна, етничка, верска или социјална припадност од страна на доминантна општествена група; правна нееднаквост, обесправеност. Расна дискриминација. Јазична дискриминација.
дискурзивен | прид.
Што се изведува со логично мисловно заклучување, логичен; Дискурзивен метод на мислење.
дискурс | м.
Разговор, говор, беседа, излагање.
дискусија | ж.
Расправа, претресување некое спорно прашање со цел да се дојде до правилно решение. Долга дискусија. Јавна дискусија. Прашање за дискусија. Поведе дискусија. Прекина дискусија.
дискутабилен | прид.
Предмет за кој може да се дискутира, за кој има потреба да се расправа, што е недефиниран, неутврден. Дискутабилно прашање. Дискутабилни предлози. Дискутабилна статија.
дискутант | м.
Учесник во дискусија, тој што дискутира.
дискутира | несв.
Учествува во дискусија. Долго дискутираа. Жестоко дискутираа. Живо дискутираше.
