диференцираност | ж.
Својство на тоа што е диференцирано, разновидност. Постои формална диференцираност на овие броеви.
диференција | ж.
Разлика, нееднаквост, неизедначеност.
диференцијал | м.
(мат.) Бесконечно мал прираст на променливите величини.
диференцијален | прид.
Што се однесува на диференција. Диференцијални црти. Диференцијална математика.
диференцијација | ж.
Разликување меѓу сродни елементи, раздвојување поради настанати разлики. Социјална диференцијација.
дифтеричен | прид.
Што е заболен од дифтерија; што покажува знаци на заболеност од дифтерија.
дифтерија | ж.
Заразна болест што се карактеризира со воспаление на слузокожата на душникот, грлото и носот и со општа затруеност на организмот.
дифтик | м.
Килимче со реси. Префрли го и врз мене дифтикот, зашто ми замрзнаа плеќиве.
дифтонг | м.
Спој на две различни самогласки кои се изговараат како еден слог.
дифузен | прид.
Што се однесува на дифузија, што е поврзан со дифузија. Дифузна светлина.
