дисхармоничен | прид.
Што се однесува на дисхармонија. Дисхармонични елементи.
дисхармонија | ж.
Отсуство на хармонија, неусогласеност на деловите во однос на целината.
дисциплина | ж.
Строго утврден ред и правила, задолжителни за сите членови на некој колектив; почитување на тие правила. Војниците не ја почитуваа дисциплината. Не трпам никаква дисциплина, сакам да бидам потполно слободен.
дисциплинира | св. и несв.
Навикне, навикнува некого на дисциплина, на строгост, послушност. Учителот треба да ги дисциплинира своите ученици.
дисциплиниран | прид.
Што ги исполнува обврските, што точно се придржува кон правилата; послушен. Тој беше редовен и дисциплиниран службеник.
дисјунктивен | прид.
(грам.) Што разделува. Дисјунктивни сврзници или-или, а-а и др. Дисјунктивни реченици.
дисјунцкија | ж.
Разделување, исклучување, спротивност.
дитирамб | м.
Античка лирска песна во чест на богот Дионис.
диуретик | м.
Средство што го забрзува излачувањето на урината.
диференцира | св. и несв.
Направи, прави, истакне, истакнува разлика меѓу одделни слични елементи; различи, разликува, издели, изделува. Тие филозофи диференцираат две сфери во историскиот развиток на човештвото.
