доградба | ж.
Нешто што дополнително се доградува, дел што е доѕидан до некој објект. Во доградбата што ја направија сместија кираџии.
догради | св.
Изгради до крај, заврши со градењето. Тој ја догради куќата пред да фати зимата.
дограма | ж.
Градежна дрвенарија (прозорци, врати и др.).
дограмаџија | м.
Лице што изработува предмети од дрво, столар.
дограмаџилак | м.
Столарски занает.
дограпчи | св.
Зграпчи, дофати. Во трчање го дограпчи палтото и јурна низ вратата.
догрдее | св.
Стане здодевно, неподносливо преку секоја мера. Му догрдеа веќе да ги слуша неговите совети.
догребе | св.
Извади нешто од некоја површина со стружење, гребење.
догрее | св.
Престане да грее. Јасните ѕвезди в зори догреале.
догрепка | св.
Гребе малку, по малку.
