дозреан | прид.
Дозреан плод.
дозрее | св.
Стане зрел, узрее добро. Неколку лози дозреаја по завршената берба.
дои | несв.
Храни бебе или младо животно давајќи му да цица.
доигра | св.
Заврши игра, престане да игра. Доиграјте ја играта, па соберете ги играчките. Ја доиграа партијата шах. Ќе го доиграм валцерот, па ќе си одам.
доизаби | св.
Изаби до крај, сосема. Го доизабивме ножот и не е за употреба.
доизарчи | св.
Потроши нешто (обично пари) сосема, до крај. Ги доизарчи парите и си дојде дома.
доизбара | св.
Бара нешто до крај, пребара. Ги доизбарав сите податоци, но не го сретнав тој што ми требаше.
доизбања | св.
Заврши со бањањето на некого. Го доизбања детето и го стави в постела.
доизбелее | св.
Избелее уште повеќе, сосема. Ги доизбелеавме маиците чувајќи ги на сонце. Платното доизбелеа од многу перење.
доизбели | св.
Пере нешто бело (обично ткаенина) до целосно обелување, исчистување. Ги доизбели јамболлиите, па ги спростре крај брегот да се сушат.
