доиспрати | св.
Испрати сѐ што било за испраќање. Вчера сестра ми ми ги доиспрати алиштата.
доиспраша | св.
Испраша за сѐ, до крај. Стоевме уште со сосетката и ме доиспраша за сѐ и сешто.
доиспреде | св.
Испреде сѐ, до крај. Ја доиспреде волната.
доиспродаде | св.
Испродаде сѐ, до крај. Го доиспродаде имотот во селото.
доиспуши | св.
Испуши сѐ, до крај. Ја доиспуши кутијата цигари.
доистанчи | св.
Истенчи сосема, до крај. Баба ми ја доистенчи кората.
доистепа | св.
Истепа, убие сѐ, сите до еден.
доистера | св.
Истера, избрка сѐ, сите до еден. Жената ги доистера децата од пред зградата.
доистече | св.
Истече сосема, заврши со течењето. Виното од бурето доистече.
доисткае | св.
Исткае сѐ што било за ткаење. Ги доисткав килимите за внуката.
